كلام من القلب 2

الجزء ده من المنتدى اسمه كلام من القلب


و انا قلت اتكلم من قلبى

و المره ده حابب افتح معاكم موضوع مهم من وجهه نظرى

و زى الموضوع اللى فات ممكن يكون شائك لبعض الناس


لكن فى كل الاحوال الصراحه مع النفس احسن من جميع النواحى


الموضوع المرادى
عباره عن تساؤل

و اتمنى من كل عضو انه يبدى رايه و يشاركنا بوجهه نظره

=============


فى بعض البيوت و بين الزوجين تصل الاحوال بينهم لطريق مسدود

و تفشل جميع محاولات الاصلاح بينهم سواء من داخل الاسره او من خارجها


و لكن فى خضم هذه المشاكل بينهم يتولد الخاسر الاكبر

الابناء

و تجد الزوجين ( اللى مش طايقين يبصو فى وش بعض )

يقبلو باستمرار الحياه بينهم علشان خاطر الاولاد و علشان مايبقاش شكلهم و حش لو حد عايرهم بان اهلهم منفصلين

و يكبر الابناء بين اب و ام كل منهم يحاول اثبات ان الاخر هو المخطئ و انه هو البرئ و المظلوم
على الاقل فى نظر ابنائه

و ينقسم الابناء بين ارضاء الام و ارضاء الاب

ف هل كان من الافضل انهم ينفصلو من الاول و يرحمو اولادهم من التشتت الفكرى و النفسى ده

و لا فى رايكم ايه الافضل


اتمنى من الاعضاء المشاركه و ابداء الاراء

لان ممكن مشاراكاتنا دى تعقل اب او ام وصلو للحاله دى فعلا

رافة و رحمة بابنائهم

الطلاق كلمه من اقسى الكلمات على النفوس بعد في بعض الاحيان بيكون البتر علاج فان سدت الطرق بينهم اصبح اانفصال واجب

اتفق مع الاساذة شمس ساعات الطلاق على مرارتة بيكون هو الحل الامثل

اتفق مع شمس وابوعلى المرة دى لعدم استحالة العيشة لان لو فضلت هتأثر بالسلب على الاولاد ومن الممكن تجعل سلوكياتهم افظع وينتج اولا اسوأ مما ان يكون الزوجين فى حالة انفصال

يجب المحاوله مرات عديده لان الطلاق هذا من اصعب الامور على الجميع
فان استحال الاصلاح يغنى الله كلا من سعته

النفصال دي كلمة بقت عامله زي الانفلولنزا دلوقتي المتجوزين والمخطوبين واللي بيحبو بعض .. حررررررررررررررررام .. الدنيا بقت وحشه قوي يا جدعان

انا من وجهه نظرى ان الطلاق هو اللى بينعكس بطريقه سلبيه جدا على الاولاد اكثر مايكون الزوج والزوجه غير متفاهمين

اسمحيلي يا دودو وعن تجربة
كتر الخناق في البت والزعيق ونظرات الكره .. بيولد حقد وغضب جوه الاطفال ناحيه احد الطرفين ان لم يكن الاتنين

والله يا جماعة أنا طبعاً رأيي من رأيكو كلكم ..
وده لأني أعرف ستات كتيير في حياتي وفي مختلف الأعمار والثقافات وبيعيشوا نفس الحاله دي ، وبحاول أنصحهم طبعاً إنهم ياخدوا القرار لكن للأسف ثقافة بعض الستات المصريات في مصر هي الضعف والخضوع للظروف ..
عشان هي مش عايزة تحاول تمشي الطريق لوحدها وكل واحدة فيهم عندها سبب أو أسباب مختلفة عن التانية ..

والله انا مع الاستاذة نوارير ولكن يا استاذة نوارير الرجوع لبيت العيله وخصوصا لو ربنا كرمها بعيل تخيلي معايا وبعدين قرري

بصي يا أنجل أنا شايفة إن الحياة الزوجية مش المفروض إنها توصل لدرجة المستحيل والكره أو حتى مجرد عدم الإحترام مابين الطرفين والخوف وأكيد بكده أصبحت مقبرة مش حياة ومش بس الزوجين اللي بيموتوا فيها بالبطئ ولكن الأولاد كمان .. اللي هيطلع متعجرف وشايف نفسه على الناس وأولهم إخواته واللي هيطلع منطوي على نفسه وخايف من كل حاجة .... إلخ
ولكن أؤكدلك إن مفيش حد منهم هيبقى سوي كلياً في ظل الظروف دي وطالما ربنا سبحانه وتعالى أعطى رخصة الطلاق في حالة إستحالة العيشة مابين الزوجين يبقى ليه نظلم نفسنا بأدينا .. وأكيد برده رجعتها لبيت العيلة دي ممكن تديها فرصة أفضل مع إنسان أحسن بكتيير ولو ماحصلش .. يبقى عيشة أهلها أحسن مدام كلها عيشة وكله محصل بعضه .. أسفة للإطالة .

والله يا استاذة نورة كلامك درر ولكن يه حاجات كتير بتخلي الطرفين يفكرو ميت مرة .. القعدة في بيت العيله ماتسرش وهم مش هيخلوكي تقعدي لوحدك .. اما عن موضووع الجواز التاني انا شخصيا لا احبزة علشا ماتخيلش ان ممكن الواحد يحب مرتين وجواز من غير حب علشان اخلص واشوف بيت اتلم فيه اثبتت فشلها