كلام من القلب

الجزء ده من المنتدى اسمه كلام من القلب

و علشان كده فكرت اتكلم منقلبى

و افتح معاكم موضوع ممكن يكون شائكا لبعض الناس

و لكنى دائما مقتنع بان مواجهه الواقع و الحقيقه افضل فى جميع الاحيان من دفن الراس فى الرمال

الموضوع هو

( امتى بيحس كل اتنين متجوزين انهم زهقانين )

الاحساس بالزهق ده ممكن يكون من بعضهم البعض

او من اسلوب الحياه

او من ضغوط الحياه المتتاليه و اللى مابتنتهيش

هل الزهق و الملل ده هما الاتنين متسببين فيه يشكل غير مباشر و لا بشكل مباشر

اسئله كتير نفسى افهم اجابتها و اعرف اسبابها
يمكن ساعات لما بفكر الاقى اللى حواليا يقولولى

بعد ماتتجوز هتغير كلامك

بس انا متاكد ان ده مش هيحصل

اتمنى من كل الاعضاء المشاركه معايا
و اللى عنده اجابه مقنعه للاسئله يتقدم
يمكن كلامنا ده حد يقراه و يخليه يغير وجهه نظره

او نساهم فى حل مشكله بين اتنين

بس الاسئله الاهم عندي هيا

---- هل اذا دخلت المشاكل من الباب هرب الحب من الشباك -----
-- هل فى حد من المتجوزين كان قبل مايتجوز بيفكر زيى من ناحيه انه تفكيره مش هيتغير لكنه بعد الجواز اضطر للتغيير-----

=== هل المشاكل الماديه من اكبر اسباب المشاكل فى البيت المصرى ====
على الرغم من ان المشاكل موجوده عند الناس الاغنياء بردو




انتظر فى لهفه مترقبه ردرد الاعضاء و مشاركاتهم
واتمنى ان يفتح كل منا قلبه و بدون زعل
و نخليها كلام من القلب فعلا

متشكر يا maleeka على مشاركتك الجميله

وعندك حق فى ان فكره الممنوع مرغوب من اكتر الحاجات اللى بتسبب الزهق و الملل

لان اللى كان الاتنين بيحاولو يحققوه وهو انهم يتجوزو حصل

بعدها يفقدو الحماس لاكمال الحياه او المسيره اللى اتفقوا انهم يبدئوها مع بعض

و بالنسبه لموضوع الجيتار هقولك كلمه السر

كلمه السر هى انك فقدتى الدافع

انتى استخدمتيه لمده اربع شهور للعند و محاوله منك لاثبات قوه شخصيتك و اصرارك لكن بعد فتره بدا الحماس يقل لا الدافع كمان بدا يقل

و انا متاكد ان بعد الاربع شهور دول لو كانت انجل قلتلك مثلا
( مش قلتلك هتسيبيه) او كلام مشابه لده كنتى كملتى اكتر


و بجد انا متشكر جدا انك نورتيلنا اول خطوات حل المشكله

الا و هيا انطفاء الحماس و غياب الدافع

و فى انتظار المزيد

انا عضوه جديدة يا شادى
بس لى وجهة نظر مختلفة شويه الجواز مش مجرد اتين بيجوزوا وخلاص لازم يكون الاول الاتين فاهمين بعض حاسيين بعض تفكرهم الى حد ما قريب من بعض واغلب حالات الملل والزهق اللى بتحصل بين الزوجين انهم بيعتقدوا ان الجواز هى المحطة الاخيرة اللى كل بنت ولد بيوصلها يبقى هى دى كل مبتغاهم بس انا من وجهة نظرى معلش دى البدايه اللى منها دلوقتى اقدر اقولك حل متواضع ويارب يكون محط قبول ليك انت ممكن تقضى على الملل والزهق دا بان ما تجعل حياتك رتيبه ممله من الشغل للبيت او حتى الاصحاب الاخرين اللى بشكو نفس شكوتك اجعا من بيتك مصدر سعادتك بمعنى حاول مش انت لوحدك والزوجة كمان يكون ليكوا حوار حاجات جنونيه خروخ لتغير المود هى تبتكر ليك كل يوم حاجة جديدة لان انا بنت وبؤمن فعلا ان لابد ان الزوجة تسعد زوجها بكل شىء بحياتها الاجتماعيه والخاصة بحيث ان يبقى دايما يكون فى تفاعل حتى مع وجود الاطفال انا بجد بستنكر كل زوجة لحظة ما تجيب طفل يهمل الزوج يمكن انا مش متجوزة بس بجد حطه المبدأ دا قصادى انى ما اهمل زوجى باولادى لازم يكون فى وقت ليه ووقت لاولاد واظن دا مش طلب كبير يعنى الخلاصة لازم الزوجين يدورا على الحاجة اللى بتجمعهم وتسعدهم وتطرد الملل بينهم
اما بالنسبة للماديات فعلا هو واقع وما نهرب منه بس بص للفقير بيقدر يسعد نفسه ازاى وهو ممكن لايملك اللى مثلا انت بتملكه
وغير كدا المال وسيلة وليست غايه واللى يعتبر المال هو مصدر سعادته عمرو ما هيكون سعيد لان السعادة فى رضى النفس بما كتب الله لها رغم ضيق المال واذا حابب تعلق على كلامى انا مستعدة وشكرا لقراءة لردى المتواضع
نها

اسمحولي ده كلام في الهوا
الست ماوراهاش غير الزن والواحد علشان يجدد حياته لازم يدخل كذا بيت ويشوف كذا واحده
علشان دي تتعبلو راسه دي تروقهاله
وبعدين الست عدوها الاول والاير الاصحاب يعني عايزاه دايما معاها لانها بتحب اللزقه

ازيكو .. والله انا اشيد بمشاركه نونه بالموضوع ورايها صواب جدا ولكن ساعات .. الينابيع بتجف والعطاء بيختفي في رحله الحياه وانا رايي ان اللي بيفضل دايما الصداقة ثم الود والتفاهم لفه وهرجعلكو تاني

انا بشكر كتير انجل على تعليقها على موضوعى بس فى ملحوظة عمر الينبوع ما بيجف ابدا حبيبتى طول ما فى اهتمام ومراعية ليه زى الشجرة اللى كل ما ترويها تطرح وتكبر الحب والمشاعر هى الينبوع اللى المفروض ما ينبض ابدا بدام فى حب وتفاهم

واضح انك يا نونه الدنيا عندك بيضه جدا فيه خناقات على فلوس فيه فقر
فيه كل واحد عايز يشم نفسه برة شويه
فيه عيال تقطع النفس وتقسم الضهر شكلك صغيرة ولسه مش عارفة حاجه

يابوعلى افندي ... انت اللي بتجر الشكل على طول الخط الدنيا حلوة .. والجواز مش وحش قوي كده زي مانت بتقول .. واكيد فيه ناس بتعمل زي مانونا بتقول كده بس دائما الحسنه تخص والسئه تعم

والله يا ابو على انا مش الدنيا بيضا ولا انا اميرة انا برضوا بنت عادية جدا وعارفة يعنى ايه مسئوليه صدقنى بس احنا اللى بنكئب نفسنا نحاول ندور على السعادة لنسعد انفسنا والاخرين صح

ايه جدعان متخف يابوعلى شويه
مين قال ان المشكله في الستات
دي الستات المصريه ياعيني اكتر ناس بيعانو الامرين والاخر بيبقى النتيجه خيانه او جواز تاني او عدم تقدير
يعني اللوم على الاتنين مش واحد بس زي مابتقول نونه
كلامك ميه ميه يا نونه

اهدو يا جماعة شويه ، اجمل حاجه ان الواحد يتقبل اراء الاخرين لعلمكو هي دي المشكله الاساسيه في الجواز

السلام عليكم اود ان اقول راى فى هذا الموضوع الشيق انا راي ان الواحد اذا ملا قلبه بالايمان وطاعه الله عز وجل و ترك المعاصى والذنوب ويكون المنزل عامر بذكر الله فسيكون الحب والموده والرحمه موجوده انشاء الله

والله كلامك موزون يا اخت دودي
بس المشكله ياحبيبتي ان احنا لازم نتعلم فت التعامل مع الاخر .. طبعا بشيئه الله وعونه بس لازم نعرف ونفهم ازاي نتعامل

الصراحه انا مبسوط جدا جدا جدا

من كل الاراء و المشاراكات الجميله دى


و من اجمل الاراء اللى اتكتبت هنا و اللى لمست وجوه كتيره من الحقيقه هو راى nezz و اللى بتاسف فى تاخرى عن الرد عليه

وفى نفس الوقت اتضح ان من اكتر المتحاملين على المراه هو العضو ابو على



ايه اللى خلانى اقول كده


انى اكتشفت حاجه مهمه جدا من محاولتى لتجميع كل الاراء فى تفكيرى لاستخلاص النقط الهامه

اكتشفت انه من اهم اسباب حدوث المشاكل بين اى زوجين و اللى بتخلى التشققات تبدا تتواجد فى علاقتهم هى عدم اعتراف الطرف المخطأ بخطئه و اصراره فى عند و مكابره ان التانى هو اللى غلطان

اذا كان الرجل او المراه

ولو اعطى كل منهم فرصه لنفسه و للاخر فى المسامحه هيحلو حاجات كتير اوى

و فى نقطه تانيه اتمنى من كل بنات حواء و من كل ابناء ادم انهم يطبقوها

ان مايحدث داخل بيت الزوجيه لابد ان يبقى داخل بيت الزوجيه

باى حال من الاحوال ومهما حدث

و ان تدخل اى طرف اخر من خارج البيت سواء من العائله او من الاصدقاء فى اى مشكله ولو كانت بسيطه فسوف يؤدى ذلك لان يفقد احد الطرفان ثقته فى الاخر و دا من اخطر المشاكل اللى ممكن تحصل بين زوجين

والحاجه التالته المهمه بردو

ان مايحدث خارج بيت الزوجيه يبقى خارج بيت الزوجيه

لانه ليس لهذا البيت اى ذنب فى ان يدخله الطرفان وكل منهم مشحون بطاقه سلبيه او بغضب او بتعب و كل منهم ينتظر الفرصه لكى يفرغ انفعالاته فى الطرف الاخر

لو كل واحد فينا اتبع نظام فى حياته هيرتاح اوى من مشاكل كتير

النظام مش بس فى الافعال لكن كمان فى طريقه التفكير و ان كل مكان و كل انسان ليه و قت و طريقه فى التعامل تختلف عن اى مكان او شخص اخر

اتمنى يكون ردى اصاب ولو جزء من الحقيقه و انه يساعد اى حد عنده مشكله و فى انتظار الردود و المشاراكات

والله يا شادي الالحان كلامك كويس وجميل.. يعني على راي العزيزة برغوته اللي ايده في الميه
لو عايز تبحث المشكله ده يبقىلازم تسال نفسك سؤال مهم ...
ليه الاختلاف قبل الجواز هو تميز جدير بالتقدير والتامل
وبعد الجواز هو عصييان وتمرد الرد عليه الغضب او العند
ليه الوعود بكل شيئ غالي واحلام نرسم حياتنا اللي احنا عايزينها من برة
بعد الجواز التغيير الوحيد اللي بيحصل والتجديد الوحيد ان كل واحد يدور على حد برة جديد ومش عارفة يرسم ويترسم معاه
انا عارفة ان النفس البشريه طواقه للجديد .. وان القديم اللي خلاص عرف عني كل صغيرة وكبيرة لازم اهرب منه واروح لحد تاني اشوف في عينه التقدير
وماتقوليش لازم التقدير يكون في البيت هقولك ده حبر على ورق.. وده كلام الليل اللي مدهون بذبده يا عزيزي .. كلنا اخطائنا فادحه .. وساعات بنبقى بنعمل حاجات غير ملاءمه لشكلنا العام
بس بنعملها
انت نفسك بتعديلك لانك بترشيها بحاجه كده ولا كده ...
انما ال.طرف الاخر بيسجل كل الحالات دي في عينيه .. ومع اقل م.شكله تتطلع .. ويقول جوه نفسه ( لا .. مش هو ده الشخص اللي انا حبيته واتجوزته) وانا اكاد اجزملك واقسملك يا عزيزي ان الكلمه دي على لسان الازواج حول العالم ..
الخلاصه ..
ياللي على البر لسه .. اوعى تفتكر ان حبيبك هو نفسك .. لان نفسك هتعديلك بس حبيبك هيشيلها ويعلم عليك ... اوعو تحسو انكو انتو الاتنين واحد وكلام الاغاني ده .. لما كل واحد فيكم يدوب في التاني تصبحو كينونه بلا معنى
انت فقدت اللي هيه حبته فيك من الخطوط والواضحة وانت كدذلك بالنسبالها ..
التميز جميل
ربنا مخلقناش راجل وراجل ولا العكس
خلق راجل وست متميزين .. مخلقش انتو الاتنين اقويا يعني متميزين
مخلقش انتو الاتنين تحملو ا .. يعني متميزين ..
الحفاظ على اتميز .. انك تحس دايما ان الطرف التني شايفك وبيقيك .. زي اول مرة كنتم مع بعض..
واحساسك الدائم انك ممكن تفقدة لو ماكنتش بصورة متفهمه زي اول مرة ...
واخيرا .. من اجمل ما تبني عليه علاقه الزواج .. هي التفاهم والصداقه .. اللهم الهمنا التفهم والصداقه نحن واياكم

راي انجل في التمام وبعدين ماتخدوش المواضيع بدم تقيل كده
احب اقوله على سحر خاص بين الزوج والزوجه الابتسامه ده حل سحري ومرهم للقلب وحاجات كتير كده

انا معاكى ان ضرورىمعرفه شخصيه الطرف الاخر سواء الزوج او الزوجهبس على فكره برده مع حد علمى ان مش هو ده سبب السعاده الزوجيه الداءمه طال ما يوجد ازواج متفاهمين جدا ويفهمو بعضهم البعض ولكن نجد ايضا المشاكل تاتى من اى باب سبحان الله على اى شىء حتى لو صغيربس اولا واخيرا التفاهم اساس الزواج السعيد الكلام ده يعنى على حد علمى وخبرتى

انا شايفة اننا الى حد ما متفقين يا دودي علشان كده اوعدتكم ربنا ييسر ونفتح موضوع ايمه باب المتزوجين ونحط فيه كل افكارنا اللي احنا شايفينها لانجاح الزواج ونتبادل الاراء

لا يا maleeka انت اللى بأيدك تخلى الجيتار يفضل معاكى تول حياتك من غير ما تزهقى منه وتعزفى على اجمل الحان الحياة وتخلية يسمعك اجمل الحان الاوتار اللى فى قلبة واتفضلى قعد في خلقته العمر كله.... من غير زهق والا ملل

اتفق مع دودى و انجل فى نقطه مهمه جدا

التفاهم بين الزوجين كفيل باذابه اى حواجز و انهاء اى مشاكل فى هدوء و رويه و بدون انفعال او زعل بينهم


طالما الاتنين متفاهمين دا معناه ان اى حاجه تحصل لهم فى حياتهم حلوه او وحشه بالتفاهم هيقدرو يقيمو الموقف و يوصلو لحلو ترضى الطرفين و تحافظ على تماسك و ثبات بيت الزوجيه و دوام العلاقه الزوجيه فى وجه المصاعب و الشدائد

انا بقول ان الطرفين لازم يعملوا نقطة تفاهم او لقاء نقطة ميختلفوش عليها ممكن يكون هدف او اي شئ تاني بس يبقي في حاجة بتجمعهم مهما اتفرقوا .

المشاكل مبتخلصش بس الذكاء من الطرفين انهم يتجنبوا كل دة و يكملوا ..

بس دة لوا محصلش يبقي علية العوض

انا رايي لو مكنش في حب يباه مايحاولوشي خلصت القصه

اتفق مع kamonny فى نقطه حلوه قوى قلتها فى ردها الجميل

فعلا فكره حلوه انه لما تحصل مشكله كبيره بين اى اتنين متجوزين

ف فكره انهم يبعدوا عن بعض شويه و كل واحد يراجع حساباته و يشوف هو غلطان فى ايه و مايفكرش فى غلط التانى

من مبدا انهم طول ما هما فى وش بعض اكيد الموضوع هيزيد

و الشيطان هايلاقيها فرصه ذهبيه للوسوسه فى ودانهم

و يحط بنزين على النار
و تولع بزياده


بس فى الاول و الاخر التفكير بالعقلو بالحكمه و فى تمهل و رويه
كفيل باذابه المشاكل مهما كانت حجمها

و اللى فيه الخير يقدمه ربنا

انا بقول بلاش جواز خالص بلا وجع قلب

على رأيك يا برغوته ياعنى اللى اجوزه خده اية

لا طبعا ... كل واحد له قدر من العذاب والمعاناه في الدنيا هياخدة متجوز او مش متجوز

الله يسامح الى اتجوزا قبلى والى اتجوزا بعدى
الى اتجوزا قبلى ومنصحونيش
والى اتجوزا بعدى ومسالونيش