امتى الواحد هيتخلص من هموم الشغل

لكل شغل همومه و متاعبه

لان كل واحد بيشتغل بيعتبر ان شغله هو اصعب و اغلس و اوحش و و و و و و و

و تزداد ال (و) بزياده المسئوليه

ف لو كنت مجرد موظف بسيط تخلص شغلك و تمضى انصراف و تروح

غير لما تكون مدير مكتب و مسؤل عن الموظفين اللى فيه و بتلعن الساعه اللى و افقت فيها انك تقبل المنصب ده

غير لما تكون مدير فرع و كل همك انك تكدر الناس اللى تحت ايدك لمجرد اثبات انك راجل جامد ومرعب و مفيش حد زيك

غير لما تكون مدير شركه وعندك طقم سكرتيرات يردو الروح دا غير طقم الانتريه اللى فى مكتبك اللى بيخلى عيون الموظفين تحول لما يشوفوه

بس كل ده كوم وانك تكون رئيس مجلس اداره دا كوم تانى

صباح الدلع

و لا حد يقلك انتا جاى منين ولا رايح فين ولا ماجيتش ليه ولا اتاخرت ليه ولا عاوز تاخد اذن ليه ولا ولا ولا ولا ولا ولا ولا

و مع ازدياد ال(ولا)و اللى بتكون مرتبطه بزياده اسن

ف تلاقى نفسك طلعت على المعاش لو انت قطاع عام

او زهقت من الشغل لو انت قطاع خاص

و ساعتها هتكون فاضى ولا وراك عيل ولا تيل

اعتقد ساعتها هيتخلص الواحد من هموم الشغل

ويعمل ايه بعد كده .. ولا حاجة .. دا حتى الملاهي الليليه قفلت
لا بجد ساعات اقول لما الولاد ينامو هعمل كذا وكذا وكذا .. لكن بلاقي نفسي لما ينامو بزعل وعايزاهم يصحو تاني .. حتى وانا في الشغل كنت اقول لو قعدت من الشغل هسوي الهوايل وبرضة لسه الهوايل مجتش لحد دلوقتيييييييييييييييييي

وانا متاكد انهم لما بيصحو بتقولى هما هينامو امتى


هو دايما الانسان كده مش عاجبه حاله و نفسه دايما الوضع اللى هو فيه يتغير


وبجد لو الواحد اقتنع بمقوله القناعه كنز لا يفنى هيحس بان فى هموم كتير فى حياته اختفت

بس المشكله ان فى ناس بتعتبر ده قله طموح

بس فى رايى ان الطموح اللى يخلى الانسان دايما متمرد على حالته يبقى طموح قاتل لان الواحد ساعتها عمره ماهيحس بانه مرتاح و احب افكر ب حاجه مهمه
( اجري يابن ادم جرى الوحوش...غير رزقك لن تحوش)

و على رايك يا انجل ايز بعد ماقفلو الملاهى الليليه و يمكن الصباحيه كمان بقى الوضع الحالى سووووووووووووووووو بااااااااد

وعجبى!!!!!!!

في فرق يا باشا بين الطموح .. وتملق الرؤساء او القائمين على الامر علشان توصل على قفاهم .. او تاخد حته من التورته

انا رأيي ان الرضى هو الحل السحري للمعيشه.. يعني لما الواحد يرضى .. ربنا يديله اكتر ينبسط .. ولو اداه اقل هيحمد

حاول تستمتع بشغلك مهما كان لان دي الحاجة الوحيدة الي حتصبرك علي الهم و الغم و الغلاسة ة رزالت الناس ..... يتبع ...

الشغل ده هم لابد منه ... ولازم الواحد يتكيف عشان ميطقشبس لما توصل المساله للكرامه يبقى لازم الوحد ياخد موقف

ردا على الزميله برغوته

عندك حق ان فى فرق بين الطموح و تملق الؤساء و اللى بيتسمى نفاق و انتهازيه

ابعدنا الله عن هذه الصفات

و ردا على maleeka

صدقتى ف الرضا رضا النفس و بالفعل هو حل سحري للكثير من هموم الانسان المصرى و لكنه يتاتي لمن يدرك قيمته ومغزاه

وردا على عزيزى الماتادور
اشكرك على اعطائك حل سحري بسيط
عملا بمبدا حب ماتعمل حتى تعمل ماتحب (اسندني)

اما الزميله mesteka

ف انا اوافقك على ان الموضوع لو وصل للكرامه يبقى لازم الواحد ياخد موقف و يرد بقوه لان من يقبل باستهانه كرامته و بعزقتها فى سبيل العمل مهما كان او فى سبيل المال فانه لا يستحق حتى ان يعيش