هل اتركه؟.....

ازيكو .. المشكله التانيه النهاردة بتقول

اتجوزته برغم غضب اهلي .. وفرضته عليهم علشان بحبة .. اتجوزته برغم اني اكبر منة ب3 سنين .. اتجوزته برغم اننا مستواه الاجتماعي اقل بكتير .. وعشان بحبة اهلي جابولي شقة وكتبتها باسمة
وعلشان بحبة قضيت سنة في شرم الشيخ لوحدي من غير اجازات لانه قالي لازم نعمل مستقبلنا ونستحمل شويه .. وكنت ببعتله الفلوس رغم انه كان قاعد من الشغل .. ولما رجعت لقيته صارف كل الفلوس .. والشقه عبارة عن كافيه لاصحابه .. ثرت وغضبت ..ولكنه استعمل الحجة اياها اني مبخلفش .. وانه محتاج معاه ونس ... قعدت في البيت وقولتله لازم تشتغل يا اما مش هناكل ... غضب شويه وبعدين قالي واحد صحبة عنده شغل .. بيجيب طبعا فلوس يادوب تكفي الاكل والشرب .. وماعدتش انا زي الاول ... اكل اللي انا عايزاه والبس اغلى حاجة وستحملت .. وزيادة عن كدة انه بيجيب صحبه في البيت .. ويفضلوا يضايقوني بالسهر واسمهم بيكلموا بنات على التليفون ... ولاني بحبه .. ولانى لو مشيت هياخد الشقة .. ولانه ماكانش كدة .. او كان كدة وانا كنت عميه .... اسيبه ولا لا بيحبنى ولا لا؟...

شوفي لو هي بتحبه تقدر تغيره .. بس هل هو بيحبها ؟... هو ده السؤال اللي محدش هيعرف يجاوب عليه غيرها .. انا رايي تستنى تشوف اخرته ايه...

انا قولتلكم ياجدعان .. دا لازم يتعدم في ميدان عام على مرئى ومسمع من الجميع .. علشان يبقى عبرة.. وبعدبن اطلعينا على الاخبار يا انجل .. علشان لو فضلت معاه ... تبقى تستاهل اللي يجرلها ..

احب اكون صريحه معاكم وف اولى مشاركاتى

ان الغلط ليس من الشاب ولا من الاهل انما من الفتاه

هل هى فاقده الغقل والبصر والبصيره

مش عايزه اقول تستاهل اللى يجرالها

انما هقول ل اهلها عيب عليكم عدم اهتمامكم ببنتكم وتركها هكذا ولدرجه انها تمشى كلامها عليكم

ودايما ااقول لكل ام واب ابنكوا او بنتكم كما ربيتموها اذا ربيتموها على الاخلاق الكريمه شابت على ذلك

واذا تربت البنت على سوء الاخلاق فماذا بيدها غير انها تفعل اكثر من ذلك

اما بالنسبه لصاحبه المشكله اقول لها ماانتى فيه هو نتيجه عصيانك لاهلك وعدم انصياعك لهم

اما بالنسبه للشاب الذى تزوجتيه فنصيحه لكى الشاب الذى تعود ان ياتيه كل شئ وهو مرتاح فلن يفكر فى التعب ابدا
فالشاب لايحافظ على مايملكه الا اذا اتاه بتعب وبتعب شديد وشقى

فلكى ان تستعوضى ربنا فيما حصل عليه منكى فلن يتنازل عنها بسهوله واطلبى الطلاق او اخلعى قببل ان ياتيكى طفل
ويصبح مشكله حقيقيه فى حياتك

بعد ان قرات المشكله لم استطع منع نفسى من المشاركه
و قبل ان يتهمنى احد بانى رجل وانى سوف انحاز له تبعا لمقوله الدم بيحن و ان احنا رجاله زى بعض

احب اقول انها هى اللى غلطانه واكبر غلط

وقبل ماحد يتنرفز و يمسك اقرب فازه و يهوى بها على راسى

هقول طب نتكلم جد و بالعقل

هى غلطانه فى حق نفسها و غلطها واضح وضوح الشمس فى كبد السماء

اول حاجه اللى مالوش خير فى اهله مالوش خير فى حد

تانى حاجه من الحب مافتل
و لكنى اقول ان هذا ليس حب

ف الحب يقوم على التكافؤ و منذ البدايه لم تكن علاقتهم متكافئه باى شكل

هى اكبر سنا
واحبته اكتر
ومستواها الاجتماعى اعلى منه
و مستواها المادى اعلى منه
وفى الغالب اجمل منه

مما يجعنى اتسائل فى حيره
ايه اللى خلاها ترضى بواحد زى ده


حتى لو غفرنا له كل ما مضى و قلنا ان الله غفور رحيم واللى فات مات واحنا ولاد النهارده

ازاى تقبل تعيش مع واحد يخليها تنزل تشتغل و يقعد هو فى البيت يستنى منها الفلوس

وبيجيب اصحابه البيت وبيكلم بنات فى التليفون

طب ساكته ليييييييييييييييه


لو كنا زمان قبل الخلع كنا نقول غصب عنها و مجبره او حتى مفيش معاها فلوس المحامى

بس دلوقتى مالهاش اى حجه

وابسط تفسير جه فى بالى ان اللى هى فيه ده عقاب من ربنا وانصحها تخلع على طول و تعقل وربنا يهديها و ان شاء الله ربنا يرزقها بواحد كويس و ابن حلال

والله يا استاذة يسمينا طبعا شكرا لمرورك الكريم .. واراءك الجميله .. ولكن انت عارفة هي بتتحجج ان الشقة غاليه جدا واهلها هم اللي اشتروهالها يبقى لازم تحافظ عليها ...
رايك سليم يا شادي الاحان بس خد بالك ان الحب كلمه كبيرة بتعني التهاون عند بعض الناس

مستحيل الحب يعني التهاون ... الحب هو الثقة بالنفس والرفعه

المهم انها تعقل و تحكم عقلها زى قلبها لان القلب وحده لا يكفى فى الحكم على الامور
و من تغلبت عاطفته على عقله فهو يسير فى طريق نصفه مظلم و نصفه مضيئ
و ليضيئ طريقه عليه ان يستمع الى صوت العقل

و الاهم انها تطلب المغفره من اهلها وانا متاكد انهم هايسامحوها لان الضفر مهما كان مايطلعش من اللحم لانه لو طلع

الصباع هيبقى شكله وحش اوى

و ربنا يوفق الجميع

لا حول الله يا رب .. هي الناس دي كرامتها فين .. ازاي تقبل على نفسها .. وقوليلها كمان ديل الكلب عمرة مايتعدل.. تفوق بقى لنفسها

يعنى المشكله عندها فى ان الشقه غاليه طب وهى

هى نفسها ياترى مش غاليه ولا الشقه اغلى

معاكى ان الحياه دلوقتى اصعب وصعب الحصول على شقه بس المحروسه كتبتها باسمه

يعنى بارادتها محدش ضغط عليه بل بالعكس هى اللى ضغطط على اهلها يبقى تستحمل ماهى فيه

وياترضى انها تخلع منه وتسيبله كل شئ ياتشوف حكما من اهله وحكما من اهلها ان يريدا اصلاحا

لعل الله يهديه

يعنى مفيش كلام اعقل من احمد وياسمينا الصراحه
احنا اديناخا الخيارات وكلها وعلى رايه وقف نزيف كرامتها
وبرضه جامده قوي كلمة ياسمينا قوليها لو كانت الشقة غاليه عليكي فنفسك اغلى والله اعلم

انتو لسه بتتكلمو في الموضوع ده ؟
انا رايي الصبر واجب وربنا مقلب القلوب مايمكن يكون تغييرة على ايدك
اعتبريه عيل وانت بتربيه لوجه الله

تلاقيها مكفراه في عيشته علشان كده بينتقم منها، وبعدين مليون الميه الامور هتتطور ويمكن يجيبلها واحده في البيت كمان اصل الليزيها دول مليين مصر ترضى باي حاجه وتحط الجزمه في بقها وتسكت
اللي يلاقي الدلع ياعم يعني حقه يركبها ويدلدل رجليه كمان ليه لا

أبو على كتب:تلاقيها مكفراه في عيشته علشان كده بينتقم منها، وبعدين مليون الميه الامور هتتطور ويمكن يجيبلها واحده في البيت كمان اصل الليزيها دول مليين مصر ترضى باي حاجه وتحط الجزمه في بقها وتسكت
اللي يلاقي الدلع ياعم يعني حقه يركبها ويدلدل رجليه كمان ليه لا

شكرا لمداخلتك يا استاذ ابو على .. بس ممكن يعني ززز سلس شويه في الكلام .. انت هتقلب الدنيا علينا .. لو دخلت برغوته ولقتك بتقول الكلام ده على السيدات احنا مش عايزين خناقات .. وبعدين افتكر دائما ان الست دي تبقى اختك او مامتك او بنتك او مراتك او صحبتك تيم ات ايزي

في شوية نقاط كدة احب اشارك بيها

- الحب الزوجي السليم يعني عطاء من الاتنين مش شريك واحد بس

- غلطتك من الاول انك اديتي بدون ما تستني مقابل .. مش بشكل مادي لكن الواحد بيدي وبيستنى الطرف الاخر يدي مش بيقعد يدي يدي وما ينتظرش حتى التقدير لا مش صح ومش صحي في العلاقة .

- كون انه بيجيب اصحابه البيت فدة مرفوض لان بيت الزوجية له قداسته واحترامه والراجل اللي ما يحترمش دة يبقى راجل مش محترم .. وطبيعي جدا من شخص غير مسئول زي دة انه يكلم بنات وشوية شوية هيجيب بنات في الشقة .. اذن عليكي تقفي في وجهه وتمنعيه من انه يجيب اصحابه الشقة عايز يقابلهم يقابلهم برة ..

- موضوع انه مرتبه بسيبط عليكي انك تلتزمي بيه .. انتي اتجوزتيه وانتي عارفة ان دخله بسيط .. والانسان مش بياخد كل حاجة في الدنيا .. لو مش قادرة تستحملي العيشة دي بالدخل البسيط دة خلاص اصرفي على نفسك وخليك هو يصرف على نفسه بس ما تصرفيش عليه طبعا ..

حكاية خوفك من ان الشقة ملكه فاسمحيلي اقول القانون لا يحمي المغفلين .. عليكي تتحملي نتيجة سوء اختيارك وادارتك للعلاقة من الاول .. وعليه تبدأي تفكري في حل .. مش تندبي حظ بدون حل .

لو عايزة رأيي المخلص
الحب واحده لا يكفي لانشاء علاقة زوجية مستقرة وناجحة .. اهم من الحب الاحترام المتبادل والمسئولية والجهد في اسعاد الطرف الاخر ..والحقيقة كل دول مش متوفرين في زوجك .. وحتى الحب المتبادل مش موجود .. الحب دة واضح جدا انه من طرف واحد وبالتالي .. انتي بحبك دة بتدمري حياتك وكرامتك وبتضيعي سنين عمرك بدون سبب ..

قدامك وضعين اما تستحملي الوضع الحالي واللي بالتأكيد هيزيد من سيئ لأسوأ
او
يكون عندك الشجاعة انك تأخدي قرار بانك تكسري قلبك وتكسبي حياة جديدة بكرامة .. تعيشي فيها بمستوى مادي مرضي وتبعدي عن الامتهان والاهانة والتجريح .. ويبقى في عندك امل تقابلي شخص تاني يقبل بظروفك وقد يكون عقيم هو كمان او عنده اولاد من زوجة سابقة .. ويديكي الحنان والحب والاحترام الي انتي افتقدتيه من زوجك دة ..

وكلمة اخيرة
لو انتي مش حنينه على نفسك ومش بتحبي نفسك ما تستنيش ان حد يديكي دة ..

shammosah كتب:
لو عايزة رأيي المخلص
الحب واحده لا يكفي لانشاء علاقة زوجية مستقرة وناجحة .. اهم من الحب الاحترام المتبادل والمسئولية والجهد في اسعاد الطرف الاخر ..والحقيقة كل دول مش متوفرين في زوجك .. وحتى الحب المتبادل مش موجود .. الحب دة واضح جدا انه من طرف واحد وبالتالي .. انتي بحبك دة بتدمري حياتك وكرامتك وبتضيعي سنين عمرك بدون سبب ..

اه والله عندك حق اهم حاجة الاحترام

الحل الاخير لهذه الفتاه ترجع الى بيت اهلها وتترك هذا الشخص لانه عمره ما هينصلح حاله وتتحمل ما فعلته بالماضى من معارضه اهلها وتبدأ صفحة جديدة مع انسان محترم يقدرها ويعززها ويكون لها كيان وكرامة بغض النظر عن ما سوف تتركة من ماديات تجاه الزوج الحالى الكرامة اغلى

ارجو من ابوعلى اختيار الالفاظ المناسبه بابداء ارائه وبلاش الكلام المستفز مش حد بالدنيا يواجه مشكله ينظر لها بوجه نظره هو ومن خلال تجاربه

انا اوافق نها على العموم انا معاكم وكل جديد في المشكله هضيفة ان شاء الله