ثورة 25 يناير

من طرف **ahmed reda whedy** الإثنين فبراير 28, 2011 9:32 am

تحت شعار ابداء بنفسك اولاً
تعاونوا على البر والتقوي ولا تعاونوا على الاثم والعدوان

انا مش هادفع رشاوى تاني فى المرور والقسم والمصالح الحكوميه
مش هرمى زبالتي فى الشارع
مش هعاكس بنات ولا حتى اغلس عليهم
هبلغ جهاز حماية المستهلك على الارقام الاتيه (33538380_3355795_33055762) لما الاقي حد بيبيع بالغالى
مش هبقى سلبي وهقول لأى حد بيعمل غلط في وشه انه غلط
هقدم اي بلاغ ضد اي تعديات لرجال الشرطة حتى لو كان ظابط الشرطة سليق عربية الشرطه وماشى عكس
هفتخر ببلدى قدام الاجانب مش هاستعر منها وهقولل انها احسن بلد
هساعد الناس الى محتاجه مساعده
هعامل الناس باحترام وهقدر ظروفهم ومعانتهم
هحترم شغلى وهراعى ضميرى فى العمل
هلتزم بقواعد المرور
هلتزم بقواعد مترو الانفاق يعنى هلتزم بباب الصعود اثناء الصعود وباب النزول علشان متعداش على غيرى
مش هيبقى فى حد احسن من حد وهنعامل بعض بالتساوى الغنى زى الفقير
هعرف حقوقى وواجباتى القانونيه فى مصر علشان محدش يعتدى على حقى ولا اعتدى على حق احد

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ثورة 25 يناير مش فرصه للتغير السياسى فى مصر وبس , وانما فرصه علشان كل واحد يقدر يثبت لنفسه
ولغيره انه وطنى بجد ومصرى على حق

توقيع : شباب ثورة 25 يناير