أعرفكم بنفسي

أنا نوارييييييييييييييييييييييييير ...
عندي 23 سنة متزوجة حديثاً 7/5/2011 كنت أعمل سكرتيرة تابعة لجمعية الضمير الحي الخيرية كنت الأول في إدارة دار الأيتام الأساسي وبعدين إنتقلت للعمل في دار المغتربات وأخيراً دار المسنين التابع للجمعية بردو ، مش قادرة أقولكم طبعاً إتعلقت بالأطفال قد إيه وأواخر أيام شغلي كنت برحلوهم باستمرار وآخر يوم كنت ببكي مش قادرة ، قد إيه الأفال دي نعمة ، وربنا يجازي كل واحد وواحدة رمى طفل في الشارع ولا في دار أيتام بمزاجه ، وأكيد فهمتوا إني دلوقتي عاطلة وسقاعدة في البيت ستوتة .. بهزر طبعاً ... أنا كده مرتاحة بنام 9 ساعات بصحى تعبانة بنام تاني ... هاهاهاهاهاهاها
بالمناسبة أنا بحب الرسم جداً جداً بس للأسف موهبه مش دراسة وكنت أتمنى طبعاً طول عمري إني أدخل كلية فنية أو حتى آخد كورسات بس ربنا لسه ماأذنش .. وبحب الأفلام الرومانسية جداً وخصوصاً الهندي والمسلسلات التركي بس مش كلها .. وبحب أقرأ القصص الرومانسية وخصوصاً روايات عبير والمترجمة ... ( ثقافة .. ثقافة ).