هل اصرح له؟...

بسم الله
اهلا بيكم في المشكله السابعة


" انا زوجة في الثلاثين ... وزوجي رجل صالح او اعتاد ان يكون .. ولكن فجاءه مع ظهور الفيس بوك وتعرفة على مواقع الدردشه تحول الى رجل اخر .. يهوى المراوغه ويشتاق الى المعامرات العاطفيه ... وشيئا فشيئا اصبح لديه قائمة اصدقاء غير محترمات على الانترنت .. واسمعة وهو يتحدث معهم ليلا .. ولم يعد في نظري الزوج الصالح الناضج الحافظ لللقرءان .. ولم يعد الاب الذي ارنو اليه كلما شعرت اني اخطات في الدين ..
هو لا يعرف انني اعرف كل شيئ بالتفصيل .. ولكنه يتطوق الى ان يصير مثلهم .. شباب الفيس بوك صاحب المغامرات والذي لا يخشى شيئا ...
اريد ان اصرح له انني اعرف وهنا لن يكون لي الجرأه ان اكون معة في نفس البيت لانه سقط في نظري..
واذا اشعرته بالحكايات او الاشارا انني اعرف اخشى ان ينهزم امامي او يعاند .. واذا ابقيته على ما هو فيه ساخسر حبي له ... افيدوني افادكم الله ووفقكم للرأي الصحيح "

عزيزتى
عليكى ان تتحدثى معه ولكن بطريقه غير مباشره مثلا اجلسى معه فى وقت يكون صافيا ودردشى معه عن صديقتك المتزوجه التى اكتشفت علاقات زوجها النسائيه عبر النت وانها قامت بترك المنزل له بعد شجار عنيف وان الاولاد اصبحوا عرضه للشتات والضياع . وان هذا الزوج مازال يتمادى فى هذه العلاقات ثم اساليه حبيبى لو انت مكانه كنت هتعمل ايه ؟
هتضحى باولادك من اجل نزواتك ام ستحافظ على بيتك واسرتك وتظل فى نظرنا الرجل المحترم.
اه منسيش فى الاخر تقوليله حبيبى طبعا انا عارفه انك غير الناس دى وانك بتحبنا و........... بس انا حبيت ادردش معاك لاننا مالناش غيرك
وشويه كلام من الى بييعجبوا الرجاله دول

رد هايل ياحمد

م/ احمد .. رد رائع رائع .. ولم يخطر في بالي ابدا ان اهدهدها بتلك الكلمات .. رد ينم عن المنطق ورجاحة العقل وايضا عن وعي كاف بنفسة الرجل التي لا اعرف عنها الكثير .. اشكرك

ماتادور انجل
اخجلتم تواضعنا

فعلا يا احمد رأيك حلو اوي وعاجبنى
واحترم الراجل اللى بيفكر بعقل وحكمه

فكره حلوه يا احمد وبجد لهنيك عليها

بس انا شايف فيها مشكله صغيره

ان الفكره دى اتهرست فى سبعتلاف فيلم قبل كده و من المتوقع ان الزوج هياخد باله انها قصدها عليه وانها عارفه اللى هو بيعمله الا لو كان معدل ذكائه ضعيف و ماخدش باله


و بافتراض انه خد باله ف المشكله ان الموضوع ممكن يتحول عنده الى انها بتهينه على اساس انها بتضحك عليه او ب تستخف بعقله

والنقطه التانيه هى ان المصارحه فى موقف زى ده ماهياش حل

طب ليه؟؟؟؟؟؟؟؟؟؟؟؟؟

هل حد يتوقع انها اول ما هاتصارحه سوف ينهار و ويبكى و يجثو على ركبتيه طالبا المغفره

لأ طبعا

و فى حاجه مهمه نسيت صاحبه المشكله انها تقولها
الا وهيا عمر زوجها

وبافتراض انه اكبر منها ف معنى وصوله للحاله دى انه فى مراهقه متاخره بمعنى انها بتتعامل مع رجل اشبه بطفل و دا ممكن يخليه يعند و يركب دماغه او يثور و يزيد الطين بله

انا شايف انها لو عاقله و عاوزه تحافظ على بيتها ومن غير مكابره
تحاول تعرف من وراه ايه اللى عجبه فى الموضوع ده

ايه اللى خلى عقله وتفكيره يسيبوها ويروحو للنت والشات والكلام ده

هل عيب منها او تقصير فى حاجه معينه

وساعتها تحاول تحلها وتغير من نفسها لانه مش عيب انها تغير من نفسها او شكلها او اسلوبها فى المعامله علشان جوزها وعلشان بيتها و فى نفس الوقت تحاول تبينله التغيير ده من غير ماتفرضه عليه علشان مايعندش

ولاننا اتفقنا انه فى حاله عقليه مشابهه لطفل ف الموضوع هيكون فى شكل استبدال لعبه ب لعبه تانيه

وربنا يوفقها واتمنى ان الحل ده يكون كويس ويفيدها

100 100 شادي

تسلملى يا ماتادوووووووووووووووووور

شكرا يا شادي على المداخله ولكن في الحقيقه انا اختلف معاك لان الموضوع كده لازم يتفض عند الظابط احنا ناخد نفسنا ونروح قسم احلامنا والظابط المتادور يفصل بينا ......

بص هقولك على حاجة . واولا انت اثرت نقطة مهمة جدا فعلا مكنتش واخده بالي منها وهي ان واضح ان الزوج زكي وممكن يحس باستخفاف ..
بس قصة تشوف من وراه ايه اللي بيعجبه هقول لحضرتك ببساطة شديدة جدا ان الراجل بيعشق المغامرات وكل ما هو غير مسموح بيه
يعني تعالى نتكلم على ارض الواقع .. مفيش راجل عمل علاقات او حب على مراتع احده تساويها في الخلق او النسب او الجمال ... ابدا وولكنه لما بيوصل لدرجة انه عايز يغامر بيدور على اي فتات او حاجة مش كويس لانه شبعان .. ومش لازم بالضرورة تبقة المغامرة دي ست ممكن يكون قعاد على قهوة .. او شرب شيشه او سجاير ربنا يحفظنا او مخدرات ( لا دي عادي اتس مخدرات )
لكن تغير من نفها علشان فلان عايز مش عارفة ايه .. هنروح لحد فين ...المرة دي معجب بفلانه البيضة .. لاالمسمرا احسن .. لا اصل اللي هناك دي مش مؤدبه .. لا اللي هناك دي هاديه
انا مختلفة معاك .. المهم هي .. عندها شخصيه كدا.. وهو تقبلها واتجوزها على كدا .. المهم اني اصقل نفسي بمتطلباته علشان انا بحبه وهو راضي وراضيني ... انا بحسن من نفسي.. لكن تعمل مرة نانسي عجرم ومرة هيفاء ومرة حنان ترك .. انا لا اوافق على الانسلاخ من الشخصيه الاساسية والدخول في عباءة الغير

انا شايفة ان راي استاذ احمد 55 هو الاصح

ولو بقى بعد ما قعدت تدلع فيه وحبيبي وحياتي والكلام ده ... وهو كان تنح وغلس وإستمر على أفعاله برده ومقصرش فيه الكلام طالما متوجهش ليه الكلام صراحةً ... يبقى إيش الحل بقى ؟؟؟؟؟؟؟؟؟؟
مع إني برده مش مع إنها تصارحه في وشه كده على طول ...
بس أعتقد إنها ممكن تذكره بالدين والحرام والحلال كل شويه ... وتمدح في دينه وخلقه القويم وإن ربنا هيرد ده في بناته أو في إخواته أو .. وات إيفر .. يعني
وإن كل ما بنحرم نفسنا من حاجة عشان ربنا .. بيبدلنا بأحسن منها .. والله أعلم