جواز الصالونات

بسم الله

اهلا بيكم
المشكله اللي جاتلي على الخاص كالاتي
بنت 24 سنه بتحب ولد كان معاها في الجامعة بس طبعا زي كل الشباب مش جاهو وهي عاقله وينصحها الاخرين انها تقبل بالعريس اللي متقدملها وهو مهندس لا تعرف عنة الكثير ويريد الزواج في اسرع فرصة لانه مسافر
والسؤال هو
هل كل حب بين شبين في الجامعة مكتوب عليه الموت بين احضان الانتظار
هل جواز الصالونات فكرة صائبه واشمعنى هي ما البنات معظمها بتتجوز اللي جاهز وخلاص
هل ينتهي الحب دائما بالاختناق وواحد وواحده يتجوز وبعدين يرجعو يحسو انهم محبوش بعض ولا عايزين يكملو
هل كل من تزوج عن حب نجح ومن تزوج عبر الصالوات فشل
عايزة اقولكم ان البنت دي فعلا تعبانه نفسيا جدا لانها مش عارفة تفكر الصح فين

منتظرة خبراتكم

عزيزتى انجل
الموضوع محسوم
السؤال عن العريس واسرته واخلاقه
ثم استخارة الله فى هذا الامر والتوكل على الله
انا شخصيا لا اعتقد ان حب الجامعات هذا يعتبر حب
ولكنه مرحله مررنا بها جميعا ولا نستطيع ان نبنى عليها حياتنا
طبعا لكل قاعده استثناء حتى لا يكون هناك تعميم

100 100 يا احمد انا معاك

انت يا احمد حطيت ايدك على الجرح بمعنى اصح وكل اسئلتك شائكة جدا وكل سؤال سلاح ذو حدين وبذات لاننا فى مجتمع شرقى يعنى فكرة اتنين يحبوا بعض ويرتبطوا فى الجامعة من وجهة نظر ناس كتير لعب عيال رغم ان ممكن يحصل فعلا حب وزواج من خلال التجربه دى فالامر دا محتاج تغير عقول لناس كتييييييييييييير دى نقطة الجامعة
بالنسبه للعريس الجاهز مافى مفر ادام اى بنت لان هيرجع الموضوع برضوا لاهل وانت ازاى هتفضلى من غير جواز هتعنسى يا بنتى وما الى ذلك من التعبيرات المؤلمة للبنت فتطر البت فى النهايه للخضوع لرغابتهم ولا عسر حال حبيبها ليس له نتيجة واضحة حاليا و صعب انه يتقدم لانه لايملك حتى عمل يكون له دخل ثابت للمعيشه
اما بالنسبه لمبدأ جواز الصالونات نجاحه او فشله يرجع لتفكير وطبيعه الاتنين اللى هيرتبطه بجد ومدى احساسهم بمجريات الحياة وكيفية مواجهة اى عسرات تقابلهم وايضا المستوى الثقافى للاتنين فبذلك مفيش حكم جازم للموضوع دا لانه فيه نسبة نجاح مش بطاله ودا راجع لارتفاع نسبه عدم الزواج للطرفين
واخيرا انصح صاحبة المشكلة بالتوجه الى الله بصلاة الاستخارة بجد ربنا بيهدى ساعتها الى الطريق الصحيح دا من الناحيه الدينيه اما من الناحية المنطقيه عايزها تفكر بعقلها لان الانتظار بجد بموت اى حب بين اتنين ومش بيخليه يكمل فانصحها انها تجلس مع العريس وتعرفه جيدا حتى تقدر على الحكم عليه بالسلب او الايجاب كل حد بيبقى ليه ميزة معينه فاريت تعمل معادلة وتشوف مين ممبزاته احسن من الناحية الاخلاقيه والعاطفيه ثم الاجتماعية والمادية وتقرر اسفة لايطاله شكرا ليكم ويارب اكون عطيت حل يعجبكم

رايك سليم يا نها واجبت فعلا عن كل الاسئله ولكن يبقى دائما السؤال عن القلب وهي جابلتي امثله حيه وقالتلي مين سعيد
م/ احمد رايك صائب ولكن كم من السيدات والساده يعانون من الاختلاف بين الطرفين وهذة فجوة لايقدر علىها الوقت وطبعا كل شيئ باذن الله وصلاة الاستخارة مفروغ منها
شكرا على مروركم م/ احمد ومتادور ونها

عزيزتى انجل
الاختلاف هو سنه الحياه لازم يكون هناك اختلاف والا الكون يفسد ربنا بيقول (ولوشاء ربك لجعل الناس امه واحده ولا يزالون مختلفين ) بس نصيحه للاخت صاحبه المشكله بعد استخاره الله والاطمنائ للقرار السليم فى حاله اختيار الاخ الجاهز ان تطوى الصفحه القديمه تماما تماما ولا تفكر فيها ابداااااااا

شكرا عزيزتى nezz شكرا ماتادور

عندما تضيق الدنيا بالزوجين وتبعد المسافاتبينهما ما يبقى هو ذكريات الحب التي يعيش عليها الطرفين
تعالو نقلب الوضع يعني لو واحد بيحب واحده وماينفعش يتجوزها لسبب ما .. وقدامة عروسة كويسه جواز صالونات .. رايك كان هيختلف؟...

يبقا جواز فاشل

معلش سؤال يعني هو بيفرق مع الراجل بيحب مراته ولا مبيحبهاش
ان متهالي الراجل كده كده بيتغير بعد الجواز

اولا : احب اشكر كل الناس اللى ساعدو صاحبة المشكله بآرآئهم الجميله واللى اكيد هتساعدها على اتخاد القرار السليم,..
ثانيا: اسمحولى انى اضيف بعض النقاط اللى ممكن تساعدها اكتر
احب اقولك يا صاحبة هده المشكله ان فى ثلاث نقاط مهمه لازم تفكرى فيهم وتؤمنى بيهم
اولا من الناحيه الدينيه
ثانيا من الناحيه العقليه
ثالثا من الناحيه العاطفيه
اولا من الناحيه الدينيه
انك لازم تكونى مؤمنه من جواكى ومن البدايه
ان كل شيء قسمه ونصيب ، يعنى لو مالكيش نصيب فيه من البدايه او من بعد محاولاتك يبقى هو دا الخير والخيره فيما اختاره الله.وصلاة الاستخاره هتفرق معاكى كتير
ثانيا من الناحيه العقليه : فكرى بعقلك الاول وشوفى هل هو ده الزوج المناسب ليكى؟
هل هو دا اللى ان شاء الله هيبقى ابو اولادك؟
هل هو فعلا مستعد وقادر على تحمل المسؤليه؟
وهل هو ده اللى جاهز لتحدى ومواجهة صعوبات وعقبات الحياه؟ وقادر على حمايتك مهما كانت الظروف؟وانتى شايفه فى عنيه مستقبلك ولا لأ ؟
لازم تكونى صريحه جدا مع نفسك اولا.
ثالثا من الناحيه العاطفيه :
لو انتى حاسه انه فعلا انسان صادق من جواه
وبيحبك وبيموت فيكى واتأكدتى من دا فعلا
بس هو ظروفه وحشه .. و.. و..
ايه المانع انك تنتظريه لحد ما يقدر يتقدملك
ايه المشكله ما اكتر من نص الشعب المصرى
بيتقدم وهو ماعهوش فلوس وواحده واحده ربنا بيفتحها عليها ...
و مش عيب ان ظروفه وحشه استحمليه طالما بتحبيه واصبرى عليه طالما فهمتيه وحاسه بيه
وطالما اتأكدتى انه فعلا انسان يستاهل التضحيه
ليه لا ... ؟؟
مش يمكن لو اتجوزتى واحد غيره ومارتحتيش معاه تقعدى طول عمرك ندمانه انك اتسرعتى فى قرارك ..و قولى لأهلك ان بعد ادنهم يدوكى فرصه تانيه تاخدى فيها قرارك السليم
وبعدها انتى اللى هتبقى مسؤله عن قرارك النهائى .. حتى لو اخترتى الشخص التانى
المهم تكونى مقتنعه من جواكى ان كل شيء قسمه ونصيب .. وفكرى صح الاول واوزنى الامور بعقلك قبل قلبك ...واتمنالك الخير

good ya kamony

رايك جميل ياكمونى

وانا من رايك

لكن احب اقول لصاحبه المشكله نصيحه مهمه
سيبك من العريس الجاهز اللى عاوز يسافر لسبب مهم جدا

وهو ان سفره ده بعد الجواز على طول هيعمل جواكى حاله فراغ نفسى كبيره
وهتحسى بعدها بالندم الشديد على انك اخترتيه

ولو زميلك فى الجامعه انتى متاكده تماما من مشاعرك ناحيته و من مشاعره تجاهك ف انا من راى كمونى انك تصبرى وتكافحى معاه لان الانسان لما بيتعب فى حاجه ويوصلها بعد كده بيحس اوى بحلاوتها وبيخاف عليها من الضياع اكتر من الحاجه اللى بتيجى بالساهل

وربنا يوفقك فى اختيارك