حاولى جربى

حاولى تجربى حاولى تحبى تانى
ليه منى بتهربى..؟
انا نفسى تقربى..
ونفسى تجربى... تحبى واحد تانى
مش عشان واحد خانك ... مش عشان قلبه ظلمك
تعيشى كرهه ايامك .... وتفكرى ف اللى عمله
إنسى اللحظه ديا خلاص..
إنسى وعيشى وحبى الناس..
جربى حبى وحــبـيـنى
إدينى فرصه وحسـيـنى
مش كلهم زى ما قلتــيلى .. لأ فى ناس عندها إخلاص
ليه ماتقوليش لأ دا كان سوء اختيار ..
ليه ما تحـبـيـش؟ لأ حبى وعيشى وانسى المرار
مش عشان واحد خانك .. مش عشان قلبه ظلمك
تعيشى كارهه ايامك .. وتفكرى ف اللى عمله
حاولى تجربى (الفتها 31-1-2007[/color])

حللللللللوه يا كموني احساسها عالي جدا .. بس انت عارفة عايزة تظبتيها شويه من ناحيه موسيقى الكلمات .. اعرف انك تقدري تركزي فيها اكتر وتظبتيلي ابيات الشعر ده كأنه اغنيه .. تعرفي؟

لازم ندورلك علي ملحن

حلوة قوي
تحفة
الاحساس فيها عالي قوي وواصل قوي للقارئ
يمكن الوزن الموسيقى شوية هربوا منك في بعض الابيات
بس بجد حلو قوي

وبقترح عليكي ان عنوانها يبقى ( حاولي .. جربي ) ... اخف من ناحية الموسيقى

ميرسى يا جماعه وعلى فكره انا عملالها كمان تلحين وتوزيع فاضل بس المغنى وبفكر ف عمرو او هشام عباس ..... اههههههههههههههه..... اشكر كل ارائكم

Kamonny كتب:ميرسى يا جماعه وعلى فكره انا عملالها كمان تلحين وتوزيع فاضل بس المغنى وبفكر ف عمرو او هشام عباس ..... اههههههههههههههه..... اشكر كل ارائكم

ليه كدة بس يا كمونني فكرتك هتقولي تمورة .. تخفيفا عليه بعد الازمة النفسية الاخيرة للي تعرضلها من جزم ميدان التحرير

جميله جدا يا كموننننننى

و ان دلت هذه الابيات فانما تدل على ان صاحبتها تتمتع باحساس مرهف و قدره جميله على صياغه المشاعر فى كلمات

تيراراراااااااااااااااااااااا
انا لازلت بقول عايزة تركيز

انا معلشى يا كمونى مش هقدر اجاملك لان الشعر ونظمه محتاج اوزان وقراءة كتير واحساس المعنى اكتر اما اللى انت سردتيه دا مش شعر ولا خاطر دى فكرة انت عرضتها وبتتلخص فى ان الانسان مش يوقف عن تجربه واحدة بس لكن مفتقده الحس الشعرى والاعلاء بالكلمة وكل اللى اقدر اقوله ليكى اقرى كتير عشان تقدرى توظفى موهبتك صح لان الكتابه مش مجرد كلمات تسطر جانب بعضها لازم يكون فيها السمو والعلو بالكلمة واحساسها
ارجو عدم الزعل منى انا صريحة وما احب اخدع اللى ادامى
شكرا للمحاوله

فعلا الشعر محتاج قراءه و دراسه لصقله

لكن كامونى ذكرت انها كتبتها فى 2007

وده يدل ان الموهبه موجوده عندها فعلا و لا يعيبها نقص القراءه او الدراسه

ف كم منا احب شيئ و درس شيئ اخر

و لانها كانت فى سن صغيره فهى تستحق الاعجاب و الاشاده على موهبه فى طور التكوين

وفى كل الاحوال هى افضل من شخص كبير لايمتلك اى موهبه او الاسوء شخص كبير يحاول اثبات ان لديه موهبه لا يمتلكها

وفى النهايه احب ان اقول لكمونى مقوله شهيره

( يا جبل مايهزك ريح )

انا اللى بقولك يا شادى انا عن نفسى يا جبل ما يهزك ريح وعلى فكرة لما تحب ترد ابقى رد على الشخص اللى بتتكلم بحقه والنتدى مش معمول لامور شخصيه بل للنقد والرقى بالتعامل واظن عيب اوى تتهم ما تعرفه بانه لا يملك موهبه لانه كبير فاريت تحترم الكبير فى الرد وحريه الرأى

أولاً .. جميلة يا كمونني بجد ...
ثانياً .. أحب أقول يا نونة مع إحترامي لأرائك التي تعبر عن شخصية مثقفة إلا إننا مانقدرش نفصل مابين الفكرة والخاطر لأن الفكرة خاطر أما الشعر فكتر خير الكل في قسم الشعر والخواطر إنهم بيكتبوا الكلمات والخواطر دي بدون دراسة أو تعليم ومنهم كتير حتى دراستهم في المدارس كانت عادية لا هي خاصة ولا لغات .. يعني ماكنش فيه إهتمام أساساً بالتعليم فأكيد ده بيدل على إنهم يمتلكوا الموهبة التي يجب أن تحترم وأحياناً بتكون الموهبة أقوى من التعليم لأنها بتتميز بالحس الفطري وطبعاً اللي أجمل لو إجتمع العلم مع الموهبة بس للأسف أعتقد إن كتير مننا ماعندوش الفرصة والوقت للتعليم فيعتمد على موهبته وحسه بس ...ويا سيتي لو برده مش داخله دماغك ماشيها خواطر بس ... وشكراااااً

تحيه تقدير واعجاب برايك يا نوارييير

اللى بيدل على انه لشخصيه مثقفه وتمتلك احساس فنى جميل

يا اساتذة انا شايفة ان الموضوع لسه مفتوح ....ليه