طور لغتك الانجليزيه بعشر خطوات بسيطه

السلام عليكم و
رحمة الله و بركاته

النهاردة جايب لكم معايا عشر خطوات عشان تطوروا لغتكم الانجليزيه .. و صدقونى (و عن تجربه) نصائح جباارة وهتخليك متميز فى اللغه

مش هعطلكم و تعالوا نبتدى مع أول خطوة :

1. إقرأ بالإنجليزى:

إقرأ الصحف أو المجلات أو الإعلانات أو القصص , حاول انك تقرأ اللغه الانجليزية حوالى نصف ساعة يومياً .


2. إستمع للغة الإنجليزية:

إستمع للبرامج الإنجليزية الإذاعيه ( نشرة أخبار BBC هى الأفضل)



3. إكتب بالإنجليزى:

حاول تخلى الانجليزى جزء من حياتك العمليه دام إنت بحاجه إليها , حاول تكتب الحجات زى قائمة المشتريات أو مذكراتك بالإنجليزى (ولو عجز عليك حاجه متترددش انك تسأل حد) .



4. إتكلم بالإنجليزى :

حاول انك تتكلم مع أصحابك أو مدرسيك بالإنجليزى , و حاول انك تخصص ساعه فى الاسبوع تتكلم فيها انت مع اصحابك بالانجليزى فقط (عارفه ان دى صعبة شوية بس أكيد هتعرف حد بيحب اللغه) ويستحسن لو تعرف أجانب بيتكلموا اللغه كويس هيكون أفضل .



5. إستخدم كمبيوترك:

أيوا ممكن تستفيد كتيير أوى من جهازك .. لإن معظم البرامج بالإنجليزى و كمان مواقع تعليم اللغه الإنجليزيه بتعرض لعب كتييره كويسه أوى لـ اللغه.



6. إتعلم كلمات جديدة:

إجمع الكلمات الجديده اللى بتتعلمها فى دفتر أرقام الهاتف , و دى فكرة حلوة لإن ممكن ترجعلها أى وقت و تكون زى (قاموسك الشخصى).



7. قم بـإثـراء لغتـك:

قم بعمل كراسة صغيرة تجمع فيها أى قول مأثور أو مثل دارج أو أى بيت شعر من اللى بتقرأهم أو بتسمعهم , هينفعوك بجد فى المستقبل.



8. إسأل عن اللى متعرفهوش:

متترددش دايمً فى إنك تسأل عن حاجه متعرفهاش , إسأل أى حد من اللى بتأنس فيهم المعرفة عشان تتعلم ,عشان كل ما تعلمت اللغه هتتيسر لك و هتستمتع بيها .



9. أعمل واجباتك :

لإن الواجبات بتثبت المعلومات فى العقل و يسهل عليك انك تتذكر المعلومات بعد كده.



10. إستثمـر أجازتك الصيفيه:

متخليش أجازتك تنسيك اللى تعلمته طول السنه,لإنك لو نسيت هتتعب فى السنه الجايه, بالعكس الأجازة دى فرصة لإنك تطور نفسك فى اللغه بعيد عن ضغوط المواد الدراسيه,خطط لنفسك برنامج لممارسة اللغه مثلا زى بالإلتحاق بمعاهد لتعلم اللغات .


و ربنا يوفق الجميع

جميل يا شادي ... و المهم الممارسة

حلو الموضوع ده وزي ما المتدور بيقول المهم الممارسه واوعدنا يارب

ماما دائما تقول اللغة والرياضيات زي الاسبراي لو ماتدربتش كويس بعد فترة يطير .. حلو الموضوع قوي يا شادي وعن تجربه رغم اللي بتعامل معاهم يفتكرو انني واخده كورسات او خريجة لغات والعياذ بالله ( ) واقولهمم انا خريجة ام بهلول سكول مايصدقونيش .. المهم انا كنت دائما اكتب مذكراتي بالانجليزي علشان امي متقراهاش .. فكلمات كتير وتعبيرات تقف قدامي ادور عليها وهكذا وده اللي بعمله مع الفرنساوي حاليا

الممارسه فعلا مهمه جدا فى موضوع اللغه

و انا بعتبرها زى سواقه العربيه

لو ما مارستهاش هتنساها

وحلو اوى يا انجل انك بتتدربى على اللغه الفرنسيه


و ربنا يوفقك

و اوعدك مره تانيه انى هحاول ازود من مواضيع اللغه الفرنسيه


و اتمنى ان ناس كتير تعمل زيك

انا عن نفسي اتعوت انا و المدام من ايام الخطوبة انحنا نحول اغلب كلمنا بالانجليزي و دي كانت فكرة حلوا و مفيدا جدي

و بالنسبه ليا حاولت زيك ياماتادور
و هى فكره حلوه فعلا

و من احسن الطرق اللى جربتها و بسببها بقيت كويس فى الانجليزى سماعيا و كلاميا
انى كنت دايما احاول اتفرج على الافلام الاجنبى من غير ترجمه

وسماع الاغانى الانجليزيه القديمه

و اقترح عليكم اتنين من المغنيين اللى بيغنوا بطريقه سهله و كلماتهم واضحه و ممكن تتعلم منهم النطق و الكلام بالانجليزيه

michle bolton

doris day

مع مراعاه الفرق بين الانجليزى البريطانى و الانجليزى الامريكى

حيث ان الانجليزى البريطانى هو الذى يتم به التدريس فى مصر لانها كانت محتله من بريطانيا من قبل

وهو اسهل فى النطق و الكلام من الانجليزى الامريكى