فضفضة كيف اطلب الزواج؟

قوليلها انتم السابقون .. وانا حاسة ان هيبقى اخرتي كدة

قوليلها تتلهى على عينها .. عاجبها ايه في الجواز يعني .. خليها تفتح عنيها وتبص حواليها وتقولي نموذج واحد مشجع ... يابنتى افرحى انك بنت ومش متجوزة دا الكرم كله ... الانتساب لراجل دلوقتى بقى بصمة عار ... فورتو دمي

يا جماعة من فضلكو ناخد الموضوع بهدوء شويه .... يا برغوته هانم خفي علينا .. الدنيا مش منيله كدة يابوسريع

ازيكو يا جماعة انتو سهرانين ليه ... والله .. الاستاذة دي زيها زي كل البنات ... يعني هي يعني لو رخصت نفسها وطلبت هتتجوز .. كل شيئ مكتوب ولازم تحافظ على ماء وجهها طبعا

هها ومين يعرف عن الوحدة قدي .. انا مطلقة ... بس كدة احسن .. واقولها الرجاله مش كل حاجة في الدنيا .. الرجاله دول نص الطريق .. وانت النص التاني .. لو انت مش النص بتاعك صافي ظزز قي كلتا الحالتين هتفشلي .. بصى لنفسك.. لان لو النص بتاعك ممهد .. هتكسبي في كلتا لحالتين...

الله اكبر عليك يا معلم .. بتكتبي هيلوغريفي ... بس عجبتني كلتا دي .. جامدة .. انت بتذاكر من ورانا يا مرسي

مستكة ارحمي نفسك .. والله الموضوع ده مهم جد يا جماعة .. يعني انا اعرف بنات كيتير كدة...

والله يبق لسة مجلهاش عداله انا بنصحك انك تفضلى كدة واللى تجوزى اى واحد وخلاص

علشان فى ناس بتستغل هذه الظروف وبتفرض نفسه معنها ملهاش اى لزمة فى الدنيا

كل شيئ و لية معاد - و اليأس بلاش منه - ربنا هيكرمك انشاء الله

انا هقول اللى يمليه عليا ضميرى وخلاص

انا هقول لصاحبه المشكله انها تتاكد من ان نصيبها و قدرها مكتوب

ممكن تسعى طول عمرها و تروح و تيجو و مايحصلش نصيب

بس العيب مش فيها

لان مافيش عيب اساسا

و هى تحسب الموضوع من ناحيه انه طالما ان ربنا كتبلها كده فهو ارحم بعباده من اى حد و بالتاكيد هو ده احسن حاجه ليها

( و عسى ان تكرهو شيئا و هو خيرا لكم )

و انصحها انها تطلع الموضوع ده من دماغها لانى من خبرتى فى الحياه اتاكدت ان اى حاجه بيجرى وراها الانسان ما بيحصلش عليها الا لو كان ربنا كاتبهاله

و لو على الوحده ممكن تتطوع فى اى جمعيه خيريه لمساعده الاطفال او كبار السن و انتا متاكد انها لما تشغل الطاقه اللى جواها هتنسى الموضوع ده
و ممكن ساعتها تكتشف جواها حاجات ماكنتش تعرفها

و ممكن بردو ربنا يكرمها و تلاقى حد يقدرها و يحس بيها و يعوضها عن كل اللى فات

و ربنا معاها

مع احترامى للجميع وارائهم بس الكل بيحكم من خلال تجربته والظروف المحاطة بيه سواء باجتماعياته اوتجربته الشخصية سواء متزوج اومطلق اوحتى عايش وخلاص يا جماعة افهموا ان النفس البشرية محتاجة توازن فى كل ما يحيط بيها فى الصحة المال حتى بالجواز كل بنت بالدنيا عارف ان الجواز مش سها وبيه مسؤليات ومعوقات احيانا بس دا فطرة داخليه لايمكن لاى بشر كان يلفظها فكروا كويس بالعفة اللى هى مصدرها واساسها الجواز وعلى مش عيب انى اقول عايزة اتجوز بدل ما اسلك سلوك سىء لازم تعرفوا يا جماعة دى مشاعر واحاسيس لازم نضعها نصب اعيننا كتتتتتتتتتتتتتتتتتتتتتتتتتير عايزيييييييييين بس المشكلة بجد فى الطهر والمصداقية اللى المفروض طريقها برضوا الجواز وارجو انكم تتعقلوا وتفكروا وتحسوا بمشاعر الاخري اكثر من ذلك وشكرا

اصل اللي ايده في النار مش زي اللي ايده في الميه

انا مع نونه وبرغوته الاحساس بالوحده في سن 37 غير معقول .. وانت شايف الكل بدا حياته الا انت لسه قاعد مع والديك بتعمل نفس الحاجه كل يوم

شكرا ليكى يا عيون الملاك وعلى ردك الجميل

احب اوجه الرد للزميله نونه

خلى بالك بردو من رايك نابع من وجهه نظرك و انه متعلق بالظروف المحيطه بيكى و الخبرات اللى كونتيها خلال حياتك

الردور اللى كنا بنقولها لصاحبه المشكله من باب ابداء الراى لانها ممكن تشوف فى راى كل واحد حاجه جديده

و انتى كان معاكى حق فى ربطك للجواز بالعفاف
بس الفكره ان صاحبه المشكله ممكن تبقى شايفه مشكلتها من وجهه نظر تختلف عن راينا كلنا

و مش عارف ليه لما قرات ردك وجدت فيه اجحاف لاراء الاخرين من ناحيه انك بتطالبيهم بالتعقل و التفكير و الاحساس بمشاعر الاخرين اكتر من كده

مع انه ممكن يكون رايك بردو يفتقر للنقط دى من وجهه نظر صاحبه المشكله

ارجو عدم اعتبار ردى ده هجوم عليكى او استخفاف برايك

بالعكس

بس انا قلت انقل احساسى اللى وصلنى بعد ما قرات ردك الاخير


وكلمه اخيره اقولها

ممكن الردود التانيه اللى انتى حسيتى ان مافيهاش تعقل او تفكير او احساس تكون هى الطريق لصاحبه المشكله فى ايجاد حل يصل بها لحاله من الامن النفسى على الاقل

( انما تاتى النار من مستصغر الشرر )

و فى انظار رايك و ردك على كلامى و اتمنى ان كلامى مايكونش زعلك او زعل حد

هي فيها انتظار ردك يا شادي .. لا انت تقابلها عند الظابط .. يا شادي انت تعرف ابو على ولا ايه ... انت عارف ان هي دي المشكله الدائمه بين الراجل والست .. هي بتفكر بطريقة وهو بيفكر بطريقه تانيه خالص منقدرش نوق واحدهاصح من التانيه واحنا اتفقنا انا اراءنا جميعا هي قطع مختلفه موصوله لايجاد حي .. راضي ابلتك يا ولد يالله .. دي نونه الحنونه ولو زعلت منك انت حر

والله راي جميل يا كاموني مشكورة هلى المداخله

مشكوره يا كامونى على المشاراكه الجميله

اولا الزواج قسمة ونصيب ورزق من الله سبحانه وتعالى فعليها ان تكثر من الصلاة والاستغفار وقراءة القران والصلاة على النبي صللي الله عليه وسلم ... وتختلط بمجتمع جيد يتيح لها انها تشوف ناس جديدة زي الدروس الدينية .. الدراسة في مجال معين ..

وخلينا متفقين انه مش بالضرورة ان الخير ليها في الزواج قد يكون العكس تماما لكن هي بفعل الوحدة من مدركة كدة .

ثانيا عليها انها تتنازل شوية في شروطها في الانسان اللي عايزاه ( وانا بقول شوية وبعقل مش قوي ) .. فكل سن وليه شروطه .. يعني في هذا العمر اعتقد انها ممكن تقبل مثلا بشخص مطلق او شخص كان ليه زواج من قبل وعنده اولاد ومطلق او ارمل .. او ربما شخص هي قد يكون بسيط بس فيه موصفات انسانية جيدة .. وما تقارنش حالتها بحال حد تاني ..

والتنازل هنا بقصد بيه تنازل في متطلباتها في فارس الاحلام .. لكن ما تتنازلس ابدا في اخلاقها وعلاقتها بيه قبل الجواز الرسمي حتى في فترة الخطوبة .. ومتتنازلش في اخلاقها وتمنحه اكثر ما تفرض عليه علاقة الخطوبة عشان الحب ابدا .... الراجل بيحب الست الشريفة العفيفة اللي يوصلها بصعوبة ويحس انه لما وصلها ملك الكون بايديه .. لكن المتساهلة بيسلاها بسرعة لانها بتفقد قيمتها عنده ولانه مش بيحب الصيد السهل ( ان صح التشبيه )

ثالثا : نصيحة مهمة جدا ... لو ليها في النت تبعد تماما تماما تماما عن الشات رومز وشات الفيس بوك وغيره .. وتتاكد انه مافيش حد بيتجوز عن طريق النت وان الجواز عن طريق النت دة نسبة نجاحه 1 في المليون .. فمتغامرش بانها تعلق نفسها بوعود كاذبة وتجرح نفسها .

توسع دائرة معارفها بانها تشارك في نشاطات اجتماعية جمعيات خيرية تطوع بوقتها لو عندها .. تشترك في دروس دينية .. كل دة هيلهيها ويصبرها وفي نفس الوقت قد تجد الشخص اللي يحبها او الشخص اللي يرشحها لحد يعرفه ..


كمان مظهرها مهم جدا .. لو عايزة شخص يتقي فيها ربنا ويعرف ربنا وبيفكر بعملية يبقى تحافظ على لبسها وتقربها من ربنا لان اللي هيختارها هيختارها على هذا الاساس ..

لو عايزة واد روش وعايز يقضي وقت يبقى تلبس موززه وتمشي ع الموضه ..

واهم حاجة واخر حاجة التقرب من الله والحرص على تعليماته هو السبيل الوحيد لما السبل تقفل قدمنا

ربنا يرزقنا جميعا بالخير

والله يا شموسه مشكورة على مدخلتك الرائعة بس انت بتتكلمي من وجه نظر العقل طيب والقلب ..
طيب التفكير اللس بياكل الراس ( يعني انا رفضت في خلال لسنسن دي كلها فلان وفلان وفلان .. في الخر اخد واحد زس تركات؟) انت فاهمه المنطق؟

Angel Eyes كتب:والله يا شموسه مشكورة على مدخلتك الرائعة بس انت بتتكلمي من وجه نظر العقل طيب والقلب ..
طيب التفكير اللس بياكل الراس ( يعني انا رفضت في خلال لسنسن دي كلها فلان وفلان وفلان .. في الخر اخد واحد زس تركات؟) انت فاهمه المنطق؟

بالنسبة للقلب فاعتقد انه لو هتستناه في سنها دة يبقى لا طالت عنب الشام وبلا بلح اليمن .. مش كلنا بنلاقي الحب الرومانسية بتاعة الافلام وبنتجوزهم .. اي نعم مش المفروض نتجوز واحد مش طايقنه او مافيش اعجاب بيننا وبينه .. لكن معشان الحب هنعيش نعاني من الام الوحدة ..ة

كمان حكاية انا سيبت مين ومين وفي الاخر هتجوز دة .. منطلق هيخسرها مش هيكسبها .. اللي فات فات .. وهي مش بتقيس بالمازورة .. مش كل عريس يتقدملها المفروض يبقى افضل من قبله .. عشان كدة قلت في الاول سقف الشروط لازم يبنزل في سنها دة .. الاول كان في فرصه ووقت وعمر .. دلوقتي نسبة اقبال الرجال عليها اقل بكثير وتكاد تكون معدومة وهتنحصر في زوج مطلق او ارمل او ربما متزوج وبيبحث عن زيجة تانية .. اعتقد انه العمر زي ما قلت بيفرض عليها شروط جديدة .. اذا حابة تلحق الانجاب يبقى عليها انها ما تحرمش نفسها من احساس الامومة .. اعتقد انها دورت ع الحب بس ما لاقيتوش ..واخدت وقتها تماما .. تدور دلوقتي على الرفقة الجيدة والونس .. بدل ما تعجز لوحدها وتموت زي الشجر اللي لوحدها في الصحراء وملهاش ولا فرع ..

يا شادى بيك انا ما انفردت برأى ولا فى رأئى اجحاف او مجرد من المشاعر زى ما نت بتقول وعلى فكرة انا مش بزعل بس حاول تقرأى بامعان انا عرضت المشكلة ازاى وانا ما رديت من خلال تجاربى الشخصيه او خبرات اللى حولى بالعكس انا كنت عادلة مع نفسى ومع الاخرين وطالبت ان كل حد ما يقيس بتجاربه الشخصية بل ينظر للنفس البشرية ومتطلباتها ارجو القراءة بعنايه يا شادى بيك لردى على المشكلة